ميدو: الزمالك لم يرسل أي عروض لـ دالا أو بولبينة.. وتصريح رئيس الوكرة يعيبه هو وإدارته
كتبت: سها أسامة
أكد أحمد حسام ميدو، نجم الزمالك السابق، أن الزمالك لم يفكر في ضم أحمد قندوسي، أو جيلسون دالا وعادل بولبينة مطلقًا.
وقال ميدو في تصريح لبرنامج “ملعب أون” مع الإعلامي إبراهيم عبد الجواد عبر قناة أون تايم سبورتس: “الزمالك لم يفكر مطلقا في اللاعب أحمد القندوسي”.
وتابع: “في حاله استياء في الزمالك من الكلام اللي ليخرج وإن الأندية بتخرج تقول إن الزمالك بعت خطابات رسمية للتعاقد مع لعيبه وده محصلش اصلا”.
وأكد ميدو: “الزمالك مبعتش أي خطاب لنادي بارادو علشان عادل بولبينة ولا تحدث مع الوكرة القطري علشان جيلسون دالا”.
وواصل: بتعحب من رؤساء الأندية اللي بتقول ان الزمالك أرسل عرض رسمي.. الزمالك مبعتش عرض رسمي واللي عنده عرض يطلعه.
وأشار: “رئيس الوكره قال طلبنا جيلسون دالا فري وده كلام غير صحيح إطلاقا.. الوكره هما اللي عرضينه يخرج إعاره ببلاش لانه خارج قائمة الفريق المحلية”.
واستطرد: “مش مظبوط إنك تربط كلامك بعلاقتك بكابتن الخطيب، وأتمنى كلامه يكون على سبيل الدعابه لانه لو نادي جماهيري كبير عمرك ما كنت هتقوله لان الكلام ده يعيبك ويعيب أسلوب ادارتك”.
وأتم ميدو مؤكدًا: “على إدارة الوكرة أنها تحترم الأندية مينفعشي اطلع اقول ادي لده بلاش وده لا .. وأحنا عندنا استياء من رؤساء الانديه اللي خرجوا بتصريحات غير صحيحه وازاي يعتمدوا على وكلاء لاعبين في مفاوضاتهم وتصريحاتهم”.
