الشناوي: كنت أعلم خبر قيد معلول مسبقًا.. وهو يستحق الخروج بشكل لائق من الأهلي

علق محمد الشناوى، حارس مرمي النادي الأهلى، علي خبر قيد علي معلول ظهير آيسر الفريق ضمن القائمة المحلية والإفريقية.

وقال محمد الشناوى، خلال تصريحات تليفزيونية، مع الإعلامى أحمد شوبير، عبر برنامج “حارس الأهلى”، المذاع علي قناة “الأهلى”: الحمد لله، علي معلول سمع خبر حلو اليوم، عاوز اقول لمعلول حمد الله على السلامه انت كده كده في بيتك، كلنا كنا جمب معلول طول الفتره اللي فاتت وكنا بنطمنه”.

وتابع: “انا كنت عارف انه هيتقيد من كابتن محمد رمضان بس هو قالي متقولش لحد، كنت بشوفه قلقان وكنت بطمنه بس مكانش ينفع اتكلم.. على معلول عمل كتير للنادي يستحق انه يكون موجود ويخرج من النادي بشكل يليق باللي قدمه”.

وأكد الشناوي: “الأهلي مابينساش أي حد عمل تاريخ كبير للنادي. معلول عمل كتير للنادي، والنادي هو اللي عمل أسامينا”.

وتابع: “أنا وعلى دخلنا النادي مع بعض من 9 سنين، وكان صعب أن يخرج بشكل مش كويس من الأهلي”.

وأختتم: “علي معلول يستحق يكون موجود مع الفريق، لأن هذا الجيل عمل الكثير والإنجازات للنادى”.