أميرة عبدالهادي
قال مطرب المهرجانات المعتزل على قدورة، أن أي شخص أصبح في الوقت الحالي أصبح يخوض مجال الغناء بدون أن تكون لديه موهبة أو وجود أسباب تشير لذلك، قائلاً: “أي شخص بيبقى قرفان دلوقتي عاوز يغني.. يجيب شوية معدات ويروح الأستديو ويضرب في الحلل”.
وأضاف علي قدورة، خلال مقابلة في برنامج “تفاصيل” مع الإعلامية نهال طايل، عبر فضائية “صدى البلد 2″، :”أنا كرهت مجال الغناء ودلوقتي بقى عندي محل ملابس وبقيت تاجر كبير.. هي تدابير ربنا خلتني أروح للحتة دي في الوقت اللي هو كان عاوزه، ومكنتش عارف هشتغل إيه أو أصرف من فين، اللي مشاني في الموضوع بتاع الاغاني لأن مكانش معايا فلوس في وقتها”.
وتابع علي قدورة، أن الموسيقى حرام وليست كلمات الأغاني، وفي بعض الأحيان أقوم بدندنة أغاني ولكن دون أن يكون في العلن، وأحياناً أسمع الأغاني، موضحاً أن بعض الأشخاص ينتقدون ملابسه رغم إعتزاله الغناء فعلى سبيل أحد المثال انتقده شخص كونه كان يرتدي شورت قصير.
واختتم علي قدورة، حديثه قائلاً: “الناس دلوقتي بقت تنتقدي حتى لو لابس شورت يقولولي إزاي ظاهر العورة كده أو أنت لابس بنطلون طويل ده حرام وحياتي بقت حلوة دلوقتي عن زمان ومبقتش عصبي ومفيش سهر أو شرب وربنا بيبارك في فلوسي علشان بعدت عن الغناء”.
