فضائيات
معرفتش أنام اليوم ده.. هنا الزاهد تروي كواليس لقطتها الشهيرة مع ماثيو ماكونهي في Joy Awards 2025
أميرة عبدالهادي
كشفت الفنانة هنا الزاهد، كواليس لقطتها الشهيرة مع النجم الأمريكي ماثيو ماكونهي، أثناء تسلمها جائزة Joy Awards 2025، الذي أقيم في المملكة العربية السعودية مؤخرًا.
وقالت هنا الزاهد خلال لقاءها مع الإعلامية منى الشاذلي، ببرنامج “معكم”،:” كنت سعيدة بالجائزة جدًا ولما أخدتها وانا على المسرح ناديت بصوت عالى أهى الجايزة يا ماما، ومش عارفة عملت ليه كدة وإزاي”.
وأضافت: “أنا معرفتش أنام اليوم ده، والفستان كان تقيل جدًا حوالي 20 كيلو، وكنت خايفة أقع على وشي لأن الحدث كبير وفيه ناس مهمة، وكنت عمالة أفكر هطلع إزاي، وبعدين هو مد إيده علشان يساعدني بس اللقطة دي مجتش في الكاميرات، رحت أنا مديت دراعي”.
وتابعت: “معرفش إزاي عملت كدة، وكنت أوفر أوي، بس مرة في العمر كان لازم اتبسط”.
