كتب: حسن الحيني
تحدث المطرب تامر حسني عن إنجازات الدكتور مجدي يعقوب، والذي كان آخرها ابتكار صمامات قلب حية يمكن زراعتها في جسم المريض، وهي صمامات طبيعية تتشكل من خلايا الجسم نفسه، قد تساهم هذه التقنية في حل العديد من المشكلات التي يعاني منها مرضى القلب.
وطالب تامر حسني، من خلال منشور له عبر حسابه الشخصي بموقع التواصل الإجتماعي فيسبوك، بوجود تمثال كبير لـ مجدي يعقوب فضلا عن إطلاق إسمه في الميادين والشوارع بسبب ما حققه من إنجازات كبيرة.
وكتب تامر: “للي ميعرفش … أولًا.. وأنا طفل كان عندنا درس في العربي إسمُه مجدي يعقوب عشان كان أول طبيب في العالم يعمل عملية زرع قلب وكانت تقريبًا سنة ١٩٨٠ يعني الراجل ده أسطوره في عالم الطب من سنين كتيره مش من دلوقتي”.
أضاف: “ثانياً … هذا الرجل الملاك وهب كل حياته لخدمة البشريه عارفين يعني إيه كل حياته لحظه بلحظه لخدمة البشريه لخدمة ولادنا لخدمة الإنسانية لخدمة الطب وكل دكاترة المستقبل، النهارده دكتور مجدي يعقوب بيحقق كمان إعجاز طبي جديد بعد ٤٥ سنه من أول إنجاز يعني بصراحه الراجل ده أعظم رمز في العالم للنجاح وفضل ينجح ويتحدى نفسه لحد ما حقق معجزه طبيه مفيش ولا دكتور في العالم عملها إلا دكتورنا المصري العربي”.
واختتم قائلا: “حاجة تشرف أوي حاجه عظيمه اوي الراجل ده لازم يبقى في شوارع وميادين بإسُمه لازم يبقى ليه تمثال لازم يتعمله أكبر تكريم إنساني في تاريخ مصر والعالم كل الشرف والفخر بإنك مصري عربي”.
