عمرو أديب يهاجم منتقدي فيلم “النونو” لـ أحمد حلمي: “في لجان مدسوسة وعايزاها مولعة”
شن الإعلامي عمرو أديب، هجومًا حادًا على منتقدي فيلم “النونو”، الذي يستعد الفنان أحمد حلمي لأداء دور البطولة به، بدعم من المستشار تركي آل الشيخ، رئيس الهيئة العامة للترفيه بالمملكة العربية السعودية.
وقال “أديب” في فيديو له عبر منصة “إكس”: “الدنيا يبان إنها مقلوبة بسبب فيلم النونو للفنان أحمد حلمي لكن هي مش مقلوبة هي معووجة، وفي لجان مدسوسة هي اللي شغالة على الموضوع ده وتصدّر إنه إهانة للشعب المصري وسمعة مصر، واحنا عارفين إن ده متظبط أغلبه، وفي ناس ولاد حلال غرضهم يدافعوا عن البلد”.
وتابع: “هو أحمد حلمي ده مش ابن مصر وعمل أفلام كتير قبل كدا، وبعدها يتقال إنه باع بلده مقابل رزمة ريالات؟، قبل كدة أحمد حلمي عمل فيلم عسل أسود ونزل لقى البلد فيها سلبيات كتير، ولكن في ناس غرضها ليس الاصطياد في المياه العكرة ولكن غرضها تبوظ البلد وعايزاها مولعة وتعبانة وفيها توتر مهما الدنيا هديت”.
وأردف: “دور النصاب موجود في الفن المصري والسينما المصرية منذ زمن، كمان في نفس الفيلم فيه نصاب سعودي، وكل شعوب العالم فيها نصابين، وكمان بنتكلم عن أن النائب العام المصري يحقق مع 16 شركة نصبت على مصريين، وبعدين الناس بتهاجم من قبل ما تشوف الفيلم ولا حتى تعرف الرواية، ده الفيلم لسة بيتكتب”.
