كتب: حسن الحيني
قال الفنان الشاب عمر محمد رياض، أنه سعيد للغاية عقب تكريمه كأفضل شاب وجه جديد من مهرجان ذا بيست 2024 الخاص بالإعلامي أحمد الهواري، مؤكداً أن الجمهور هو المقياس الوحيد لنجاح أي عمل وهي بداية جديدة له لكي يؤكد على تلك النجاحات.
وتابع عمر محمد رياض، على هامش فعاليات مهرجان ذا بيست 2024 مع الإعلامية يمنى علي، :”مبسوط بتكريمي النهارده والفنان بيشتغل علشان الجمهور ونفسي أعمل دور سيكو اللي هو مريض نفسي بأي شكل، يبقى الفنان داخل في حالة كبيرة جداً عايش معاها والأمراض النفسية فيها أكتر من حاجة والموضوع بيبقى ممتع بالنسبة للممثل بيلعب أكتر من حتة”.
وأشار عمر إلى أنه يتمنى العمل مع والدته الفنانة رانيا محمود ياسين ويعتبرها صديقته وهناك بينهما راحة كبيرة، ولكن والده الفنان محمد رياض دائماً ما يعلق على أعماله ويشجعه في كل خطوة يتخذها وينتقده في أي شيء قبل أن يمدحه.
واختتم عمر محمد رياض: “أبويا دايما بيقولي أنا مرايتك ومش هخدعك وهنقدك قبل ما أقولك حاجه كويسة حتى لو أنا عامل حاجه كويسة بيركز معايا علشان أعمل الأحسن وهو ده الأساس اللي بنتعامل فيه مع بعض، لأن مش كل حد هيقولك رأيه فيك بصراحة”.
