محسن محيي الدين يروي تفاصيل قصة حبه مع نسرين: حبيتها من طفولتي واتجوزتها بعد ما بقت أرملة

استعاد الفنان محسن محيي الدين ذكرياته مع زوجته الفنانة نسرين وقصة حبه لها.

وروى محسن محيي الدين خلال لقائه ببرنامج “مع خيري” تقديم الإعلامي خيري رمضان عبر قناة “المحور”: “نسرين اتجوزت وهي عندها 16 سنة وبقت أرملة وهي عندها 19 سنة، كانت بالنسبة لينا البنت الجميلة، كنا بنعمل أغاني في الإذاعة كانت هي بتغني “صوليست” لوحدها وإحنا الكورال حواليها، أنا كنت بحبها جدا بس طفل يعني، وبعدها اتجوزت فضلت أقولها مش تستنيني، لكن طبعا البنات بيبصوا للكبار أكتر من الصغيرين في الوقت ده”.

وتابع: “وبعدها اتقابلنا في مسلسل “فرصة العمر” كانت اتجوزت وبعدت فترة ورجعت بالمسلسل ده، توفى زوجها واتقابلنا تاني في مسلسل “أبواب المدينة” وبعدها سافرت أنا لفرنسا وهي كمان سافرت عشان ورث لبنتها وعشان تقدر تجيبه كلمت مكتب يوسف شاهين، لأنه عنده اتصالات في فرنسا، وقابلتها وخلصت لها حاجات وأديتها دواء كان والدي محتاجة”.

وأردف: “راحت نسرين قابلت والدي وأعجب بيها جدا بعدها بفترة والدي توفى وأنا رجعت من فرنسا وأول ما دخلت على والدتي قالتلي “والدك بيوصي أنك تتجوز نسرين قلت لها ماما إحنا في عزاء، ردت قالتلي دي وصيته وصاها وقال” عايزة تصوني ابنك جوزيه نسرين”.