ربيعة: شيكابالا فهم احتفالي بالخطأ.. ومش بيفرق معايا كلام الناس

تحدث رامي ربيعة، لاعب النادي الأهلي ومنتخب مصر، عن أزمته الأخيرة مع نجم الزمالك محمود عبد الرازق شيكابالا، في السوبر المصري.

وقال ربيعة في لقاء مع أحمد شوبير عبر برنامج حارس الأهلي: انا كنت بجري و رايح احتفل وبشجع مع جمهوري، يمكن هو حس او شاف حاجة معجبتهوش عشان كان متضايق للخسارة، ولكن مقلتلوش حاجة وانا بجري.

وأشار ربيعة: احتفالي في السوبر الافريقي بعد ضربه الجزاء انا كنت بهديه لبنتي مكنش بقصد الاحتفال او التقليل من حد لكنها كانت رسالة لبنتي ومراتي وكنت بعملها للكاميرا مش لجمهور الزمالك.

وأضاف: ربما يكون شيكابالا فهم طريقة احتفالي بالخطأ، هو شخص غيور على فريقه، وأنا احترمه فهو أول شخص استقبلني في البرتغال في بداية رحلة احترافي.. ولم يحدث بيني وبينه أي اتصال بعد الواقعة دي، ولكن لا توجد مشكلة بيننا.

وعن سؤاله هل يوافق على الانضمام للزمالك، أكد نجم الأهلي: أنا صاحب ٦ دوري ابطال افريقيا هروح نادي أخذ البطولة اقل مني ازاي؟ مع احترامي للزمالك فريق كبير بس مش هيضيف ليا حاجة.

وأنم: مش بيفرق معايا كلام الناس لأن لو كان بيفرق معايا كنت بطلت كورة، لو أنا مبعرفش ألعب متشجعش النادي طول ما انا موجود فيه طالما شايفني مبعرفش ألعب، انا شخص بارد بقرأ الكومنتات وبقعد أضحك.