إبراهيم فايق للحكم محمد عادل: أنا عارف وأنت عارف ومصر كلها عارفة إنه صوتك

وجه الإعلامي إبراهيم فايق رسالة إلى الحكم محمد عادل بعد أزمة التسريبات الأخيرة وتوجه محمد عادل إلى النائب العام لتقديم بلاغات ضد الإعلامي إبراهيم فايق وقناة إم بي سي مصر .

وقال فايق عبر برنامجه الكورة مع فايق على شاشة قناة إم بي سي مصر 2 في رسالة إلى محمد عادل: “أنا عارف وأنت عارف ومصر كلها عارفة إنه صوتك فا يا مليون أهلا وسهلا ، الحقيقي ومن يوم التلات لحد إنهاردة بقول للناس اللي بتقابلني إني مش في خلاف شخصي وإننا هدفنا إننا نوصل الرياضة المصرية للأصلح” .

وأضاف فايق: “كل الناس اللي مع الكابتن محمد عادل في تقنية الفيديو وفي لجنة الحكام عارفين إنه ده صوتهم ، زعلان من إيه ، من طريقة خروج الفيديو ، لو ده كده فا ده الطبيعي لأن الإعلام اللي أنصفك في يوم وارد إنه يهاجمك لما تغلط” .

وأتم فايق: “دلوقت أنت شايف إنه فيه ناس بتغلط وبتسرب روح قاضيهم ، والأحداث الأخيرة دي كلها بتؤكد أن الصوت صحيح ولو أنت على حق كنت طلبت من إتحاد الكورة إن الصوت الحقيقي يتذاع للناس كلها ، وكنت خلصت عليا وعلى البرنامج وإنه فايق بيذيع فبركة” .