ضربتها بالكوباية.. محمود سعد يكشف حقيقة ضربه لـ نانسي عجرم
أميرة عبدالهادي
كشف الإعلامي محمود سعد، حقيقة ضربه للفنانة نانسي عجرم، بكوب زجاجي، بسبب إساءتها للدين الإسلامي.
وقال “سعد” خلال فيديو نشره عبر حسابه على “إنستجرام”، إنه على مدار سنوات طويلة ترددت شائعة حول ضربه للفنانة نانسي عجرم، بعدما انفعل عليها بسبب إساءتها للدين الإسلامي، متابعًا: “قالوا إني ضربتها بكوب زجاجي بعد إساءتها للدين الإسلامي”.
وأضاف: “إشاعة غريبة جدا معرفش مين اللي طلعهتا. أول لما سمعتها قلتلهم حد يقدر يضرب نانسي أو يبصلها الست الجميلة دي؟، وكان عمري ما شوفت نانسي قبلها وقررت أعمل معاها حلقة في “البيت بيتك” وكانت ست لطيفة جدا”.
وتابع: “هي كانت ولازالت أجمل وجه بيغني على الساحة وفي ناس كانت متضايقة منها بسبب أغنية “أخاصمك أه” وكنت أنا كمان ضد الأغنية بس معملتش الدور البطولي اللي بيقوله عليه ده، حولوني بطل عشان بدافع عن الدين وده محصلش لا منها ولا مني”.
وأردف: “قابلتها وكانت ست جميلة وعملنا حلقة فنية جميلة علشان ننفي بيها وبرضه مفيش فايدة الحكاية تزيد وبطولاتي تزيد، والشائعة دي عملتلي شعبية عند الناس، ومكنتش عارف ايه اللي وصل الحكاية دي لجوة الريف والصعيد مين اللي وزع الإشاعة دي؟”.
وأكمل: “اكتشفت أن اللي بيوزعوا المياه الغازية والسجاير بيدخلوا في كل حتة في مصر يحكي الحكاية ويمشي، فانتشرت في الدنيا كلها وبقيت بطل وعملت حاجة عظيمة وأنا معملتش حاجة ولا هي عملت حاجة خالص”.
