محمود سعد: اللعب في مشاعر المغترب حاجة صعبة
هبة أحمد
تحدث الإعلامي محمود سعد عن أوضاع ملايين المصريين المغتربين بالخارج، منتقدًا النظرة السائدة التي تختزلهم في كونهم مجرد مصدر دخل، ومؤكدًا أن كثيرين منهم يواجهون صعوبات نفسية ومعيشية كبيرة.
وقال محمود سعد، خلال فيديو نشره عبر منصة X: “زي ماحنا عندنا دعم للمواطن الداخلي وبنعمله ونوفره مميزات زي سكن اجتماعي وبطاقات تموين، طب واللي في الخارج دا ملهوش نصيب؟”.
وتابع متسائلًا عن الصورة النمطية للمغترب: “هو أي حد ركب طيارة خلاص بقى غني؟، دا مش حقيقي، لأن اللعب في مشاعر المغترب حاجة صعبة جدا واسألوا دكاترة علم النفس”.
وأشار سعد إلى حجم المعاناة التي يعيشها عدد كبير من المصريين في الخارج، قائلًا: “دا واحد ضربه السلك ومعرفش يشتغل، لأن مفيش واحد هيكون شغال هنا كويس وهيروح يشتغل في الخارج، احنا بناخد الزبدة والقشطة بتاعتهم اللي هما الدكاترة والمهندسين والمشهورين ونعتبر دول المصريين في الخارج، لأ مينفعش”.
وأوضح أن الغالبية العظمى من المصريين بالخارج ليسوا من الفئات الميسورة، مؤكدًا: “في ملايين المصريين بيشتغلوا برا وبيكافحوا ويتبهدلوا ويدفع جمرك، التعامل معاهم على أنهم مصدر دخل”.
وفي ختام حديثه، تطرق محمود سعد إلى ملف السياحة، محذرًا من التعامل معه باستخفاف، قائلًا: “في لعب في السياحة، داحنا بنترجى والدولة بتعمل مجهود كبير في إنها تفتح مجالات للسياحة لأن العدد اللي بيجيلنا من السياحة لا يناسب على الإطلاق الآثار اللي عندنا”.
وأضاف: “احنا عندنا آثار ملهاش أول من آخر، في دول عندها 10% من آثارنا وبيدخلها 70 و80 مليون سائح كل سنة، واحنا نلعب في سكة السياحة؟، في مناطق ميصحش اللعب فيها”.
