هبة أحمد
استضافت الإعلامية منى الشاذلي الفنانة ياسمين عبد العزيز في حلقة خاصة من برنامج “معكم منى الشاذلي”، حيث كشفت عن جوانب من حياتها الشخصية والمهنية، وعن تفاصيل علاقتها بالفنان كريم فهمي.
وخلال الحوار، أوضحت ياسمين عبد العزيز حقيقة ما يتداوله الجمهور عن علاقتها بالفنان كريم فهمي قائلة: “كريم فهمي صديقي ومش بس هو كمان دانية مراته صديقتي، إحنا شلة صحاب من بينهم أنا وكريم ودانية عشان بس الناس بتقعد تخلط حاجات كده”.
وأضافت: “كريم شخصية في الحقيقة راجل طيب وراقي، وزي ما بيطلع في المسلسل هو في الحقيقة كده”.
وتحدثت ياسمين عبد العزيز عن سبب تمسكها بالقوة رغم ما تمر به، معلقة: “أنا بقوم وبشتغل وبكمل.. الواحد لازم يبقى قوي، ربنا بيحب المؤمن القوي مش الضعيف”.
وأكدت أن الانهيار في لحظة ما أمر طبيعي، لكنها ترفض الاستسلام، معلقة: “الحياة دي مينفعش فيها حد يبقى ضعيف، ممكن في موقف أنهار في ساعتها على حسب الموقف وخلاص.. مينفعش أكمل فيه”.
وأشارت إلى أن دعم أبنائها وجمهورها هو ما يدفعها دائمًا للصمود، مضيفة: “أنا عندي ولاد لازم يشوفوا أمهم طول الوقت قوية، وعندي جمهوري وشغلي.. محدش يقدر يكسّرني، أنا مبتكسرش”.
