عمرو الليثي: من لا يتألم لا يتعلم.. والصبر على الابتلاء مفتاح الفرج

أكد الإعلامي د. عمرو الليثي خلال تقديمه برنامج “أبواب الخير” عبر إذاعة راديو مصر أن الصبر على الابتلاءات والشدائد جزء مهم في حياتنا، وقال: “من لا يتألم لا يتعلم.. كل ابتلاء ووجع وضيق يعلمك، يرفعك، ويجعلك أقرب إلى ربنا وفاهم لنفسك أكثر، وإن حزن قلبك على فقدان حبايبك، أو شدة ألمك في مرضك، أو اكتئابك بسبب أزمة في حياتك، أو ابتعاد أقرب الناس عنك، أو إحساسك بالظلم من اللي حواليك.. كل دي ابتلاءات داخل بيوتنا وتجريح لقلوب الكثيرين”.

وأضاف الليثي: “لكن الصبر على الابتلاء قد يكون سببًا للفرح والفرج من حيث لا تحتسب، وقد يطهرك من ذنوبك ويجعلك إنساناً أفضل في كل شيء، وصدقوني المواقف الصعبة اللي مريت بيها هتخليك أنضج في الحكم على الدنيا وعلى علاقاتك بالناس، وهتشوف الأشخاص والمواقف على حقيقتها، هتلاقي نفسك ما بتديش أي حاجة أكبر من حجمها، وهتفهم إن الحياة ما بتقفش على حد، وهتعرف إن مفيش حاجة دايمة إلا ربنا سبحانه وتعالى”.

وتابع: “كل شدة هتعلمك درس، وكل ابتلاء هيقربك من ربنا وينور بصيرتك.. وربنا يجعل ألم وحزن ووجع كل واحد فينا في ميزان حسناته”.

ويُذاع البرنامج يوم الأحد من الساعة 3 إلى 4 عصرًا، ويوم الإثنين من الساعة 12 إلى 1 ظهرًا.