الفنانة هندية: “استأذنت ربنا قبل ما أخلع الحجاب”

كشفت الفنانة هندية خلال لقاء لها في برنامج “الشفره” مع الإعلامية علا شوشة على قناة “الشمس” عن الصراع الداخلي الذي عاشته قبل اتخاذ قرار خلع الحجاب، مؤكدة أنها لم تتخذ هذا القرار بسهولة.

وقالت هندية: “اوعي تفتكري إن خدت القرار ده بسهولة، أنا استأذنت ربنا والله ما بكذب، قعدت شهر ونص على ما أخد القرار ده، وعمالة أعيط وأقول يا رب لو انت شايفني في حتة معينة امنعني، طب هاتلي آية، طب ابعتلي حاجة تمنعني.. شهر ونص بجاهد في نفسي أنزل ولا منزلش، حسيت إجابة ربنا لما لقيت نفسي نزلت”.

وأضافت: “في الأول كنت بعمل حاجات للأيتام ولذوي الهمم، كنت بنزل أعملهم حفلات، أرُقص معاهم وألعب معاهم كإني طفلة زيهم.. فقولت خلاص أنزل لوجه الله للمرضى وذوي الهمم”.

وحكت عن كواليس تنظيمها فعاليات للأيتام وذوي الهمم، معلقة: “قابلني مستشار صديقي، حد محترم أوي في نادي الشمس، وقال لي تعالي نعمل صالون فني ثقافي، قولتله حاضر، بس أنا بحب الغنا وعايزة اتسلى، لأن بعد صلاة العشاء ببقى زهقانة ومش عارفة أعمل إيه.. فقالي هنعمله يوم في الأسبوع، اللي هو يوم الخميس، وكان عندي وقتها ٢٥٠، ٣٠٠ بني آدم كل يوم خميس بيحبوني جدًا وصحابي جدًا، وعارفة عنهم كل حاجة وهما عارفين عني كل حاجة”.

وعن شعورها بالإشارة الإلهية قبل القرار، قالت هندية: “لأ مدانيش حاجة، ما هو انت لو لقيتي إجابة ونزول قلت له يا رب إذا كان كده عربيتي يحصل لها حاجة اديني إشارة، أنا ما نزلتش، ما روحش”.

وأشارت إلى أن قرارها لم يكن مجرد خطوة شخصية، بل كان نابعًا من تفكير عميق وتجربة روحية، معلقة: ” أصل ربنا ده جميل قوي، مش هيعذبنا”.

واختتمت حديثها بالتأكيد على رحمة الله وحكمته: “في القرآن بتقول ماذا يفعل الله بعذابكم، ربنا مش هيعذبنا، هو عامل ثواب وعقاب عشان الناس بس ما تبقاش غابة. ربنا جميل قوي وحنين قوي وعظيم قوي، إن شاء الله يسامحني وإن شاء الله هيغفرلي”.