هبة أحمد
حل النجم هشام جمال وزوجته الفنانة ليلى أحمد زاهر ضيفين في أول حوار تليفزيوني بعد زواجهما، في حلقة خاصة من برنامج صاحبة السعادة مع إسعاد يونس على قناة dmc.
وقال هشام جمال أنه ليس مستوعبا زواجه من ليلي زاهر، معلقاً: “مش مصدق نفسى إنى مجوز ليلى أحمد زاهر وقاعد معاها فى الاستوديو، والناس بتحب العلاقات اللى بتمشى بطريقة سليمة وارتباط بشكل رسمى، وإن ده جواز مش لعب، وبيدعولنا ويباركولنا وإن ربنا يسعدنا ويباركل لنا فى الزواج”.
وأضاف: “زوجتى كبرت قدام الناس فى الدراما علشان كانوا بيشوفوها دايمًا صغيرة، فبيوصونى عليها لما بيشوفونى فى الشارع ويقولولى: خلى بالك منها”، موضحاً أن أقصى شئ طلبته منه ليلى زاهر هى كتب الكتاب فى يوم منفصل بعيد عن الفرح.
وأشار هشام جمال إلى أن هدفه كان إسعاد زوجته في يوم الفرح، موضحًا: “حاولت أعمل حاجة شبه المكان اللى كانت عايزاه، ولما رحت أحجز فيه لاقيته مغلق، والحمد لله الفرح عجبها وعجب الناس، وعملنا فيه المرضى بالنسبة لنا وشبهنا وشبه أهالينا”.
