أحمد موسى: “اللي إحنا فيه النهاردة من أمن وسلام وحرية مايتقدرش بفلوس”
هبة أحمد
أكد الإعلامي أحمد موسى أن مصر تعيش اليوم مرحلة من الأمن والاستقرار والحرية، مشيرًا إلى أن هذا الوضع لا يمكن مقارنته بما عاشه المصريون في فترات سابقة من فوضى وتهديدات، وقال موسى، خلال تقديمه برنامج “على مسئوليتي” على قناة صدى البلد: “اللي إحنا فيه النهاردة من أمن وسلام وحرية مايتقدرش بفلوس.. صحيح المواطن تعبان من الأسعار، لكننا مرينا من الأصعب ولسه هنعدي كمان المرحلة دي، لأننا معندناش غير مصر”.
وأشار أحمد موسى إلى أن ارتفاع الأسعار شمل السلع الأساسية مثل الطماطم واللحمة والزيت والمواصلات، مضيفًا: “الطماطم، اللحمة، الزيت، والمواصلات.. كله زاد، ومفيش رقابة كاملة 100%، المواطن بيدفع تمن كبير وبيعيش مرحلة ضاغطة، لكن لازم نعرف إن اللي جاي هيكون أفضل”.
كما أشار إلى أن المرتبات والمعاشات أصبحت لا تكفي احتياجات العديد من الأسر، قائلاً: “الأسرة اللي عايزة تفطر فول وطعمية النهارده محتاجة 70 أو 80 جنيه، والناس حاسة بالوجع”.
وأوضح موسى أن الرئيس عبد الفتاح السيسي على دراية كاملة بالظروف المعيشية للمواطنين ويتابعها عبر تقارير دقيقة، قائلاً: “الرئيس عارف كل حاجة، هو مواطن مصري قبل أي حاجة تانية، وحاسس بالناس”.
وأضاف أن هناك أخبارًا إيجابية قريبًا حول منظومة الكهرباء، مؤكّدًا أنها تمثل بارقة أمل وتحسن الخدمات للمواطنين.
واختتم موسى حديثه بالتأكيد على أن المرحلة الحالية مؤقتة، داعيًا الجميع إلى الصبر والثقة في قدرة مصر على تجاوز الأزمات، موضحًا: “مرينا من الأصعب، وهنعدي اللي جاي، ومفيش غير مصر نحافظ عليها ونقف معاها”.
