هبة أحمد
تحدثت الفنانة غادة عادل عن فترة انفصالها عن المخرج مجدي الهواري، موضحة كيف أثر القرار على حياتها النفسية واختياراتها الفنية، وكذلك على نفسية أبنائها، وقالت خلال لقائها مع الإعلامية لميس الحديدي: “بعد ما انفصلت مكنتش متظبطة وكانت اختياراتي غلط حتى في الشغل، وكنت بشتغل علشان الفلوس وأصرف على العيال مع مجدي الهواري، ولكن ده كان الجزء الخاص بيا، ولادي نفسيتهم مكنتش كويسة، ولكن لما حاسبت نفسي وعالجت الأخطاء لاقيت ولادي اختلفوا من غير ما أعمل مجهود”.
وأضافت غادة عادل أنها لا تغلق قلبها على الحب، وأكدت إمكانية دخولها علاقة عاطفية جديدة في المستقبل، موضحة المواصفات التي تبحث عنها في شريك حياتها، مضيفة: “الحب موجود طول الوقت، وطول ما القلب بينبض هيدق، وطبعًا لو لاقيت إنسان يستحق أكيد هحبه، أي إنسان كويس وقلبه نضيف وطيب أكيد هحبه، أنا بحب الطيبين واللي عندهم رحمة وعطاء ومفيش مصالح”.
كما كشفت الفنانة غادة عادل عن تجربتها مع عمليات التجميل، مشددة على حرصها على الحفاظ على ملامحها الطبيعية، معلقة: “أحلى حاجة في العملية إنها بترجعك أصغر، مش بتغير فيكي حاجة، أنا قولت للدكتور إني مش عايزة أبان متغيرة، ولا أبان أحلى من الطبيعي، كنت عاملة فيلر دائم زمان، وعمل لي مشاكل كتير، ولما شيلته رجع شكلي زي ما أنا”.
