عبّر مطرب المهرجانات محمود الليثي عن إعجابه الكبير بالرابر ويجز، مؤكدًا أن التعاون بينهما في عمل غنائي سيكون بمثابة مفاجأة قوية للجمهور، وقد يحقق نجاحًا استثنائيًا على الساحة.
وقال الليثي في تصريحاته مع الإعلامية يمنى علي في إيجي بودكاست: “أنا بعشق ويجز، وموهبة كبيرة وناجح، ولو اشتغلنا سوا هنكسر الدنيا، سواء هو طلب التعاون أو أنا طلبت، ده مش بيقلل من حد فينا، بالعكس.. إحنا هنقدم حاجة جديدة ومختلفة تمامًا”.
وأضاف الليثي: “مصر طول عمرها ولادة، والفنانين المصريين معروفين في كل العالم بإبداعهم، إحنا بنعمل ديوهات كتير ومش بنخاف من التجريب، وده اللي بيخلينا دايمًا متجددين”.
وأشار إلى أن روح التعاون بين الفنانين هي سر النجاح الحقيقي: “اللي ميحبش الخير لزمايله مش هيجيله، ومفيش حد بينجح لوحده، شوفوا حكيم، نجم عالمي، غنّى في النرويج وحقق نجاح كبير هناك، ومحدش قدر يعمل اللي هو عمله”.
واختتم الليثي حديثه بالتأكيد على أن الفن مساحة مفتوحة للتجريب وكسر القوالب، وأن الجمهور دائمًا ما يكون متعطشًا لما هو جديد وغير متوقع.
