ردت الفنانة هدى المفتي على أنباء ارتباطها بالفنان أحمد مالك التي أُثيرت مؤخرًا على مواقع التواصل الاجتماعي.
وقالت هدى خلال لقائها مع الفنانة والإعلامية إسعاد يونس ببرنامج “صاحبة السعادة”: “عارفة إن فيه إشاعة طالع عليّا إني اتخطبت أو على وشك الخطوبة، وده مش صحيح. لو اتخطبت فعلًا أكيد هعلن ومش هخبي، ونفرح سوا”.
وأضافت: “بصراحة مش عارفة مين اللي بيطلع الإشاعات دي، ولا بيطلّع إيه ومين مابيطلّعش، بس أنا مركزة جدًا في شغلي دلوقتي. حاسّة إن دي فترة حاسمة في مشواري، وعايزة أأسس نفسي وأثبت وجودي وأكسب حب الناس، لأن شغلي هو الأولوية في حياتي”.
وخلال اللقاء، سألتها إسعاد يونس بطريقة طريفة: “نظرة عينيك بتقول إنك عايشة قصة حب؟”، فردّت هدى بابتسامة: “لسة.. ولو القصة كملت هيكون في حاجة جد، ولو ما كملتش يبقى خلاص”.
