ياسمين عز: إحنا في موسم الطلاق.. والناس خلقها ضيق من الحر ولو عليا أقعد في البيت ساكتة

علّقت الإعلامية ياسمين عز بطريقتها الساخرة المعهودة على موجة الحر الشديدة التي تشهدها البلاد مؤخرًا، ووجّهت مجموعة من النصائح للسيدات حول كيفية التعامل مع أزواجهن في ظل ارتفاع درجات الحرارة.

وخلال مقدمة برنامجها كلام الناس، قالت ياسمين: “إحنا داخلين على موسم الخناقات والطلاق، الجو حر والأعصاب مشدودة، استخبي وماتعمليش أي حاجة غير لما شهر 9 يعدّي، هتلاقي جوزك بقى توماس إديسون، مخترع اللمبة المحروقة، وبيخترع مشاكل من الهوا، أي مشكلة هيخلقها ما ترديش، اسمعي كلامي واسكتي”.

وأضافت: “الناس خلقها ضيّق، والحر مأثر على الكل. أنا لو مش مذيعة ومضطرة أتكلم، كنت طلعت ساكتة، لو ده ينفع إعلاميًا، كنت بدأت الحلقة بصمت، أنا نفسي أقعد في البيت ساكتة، ده موسم العلاقات المتوترة، وممكن يطلقك في لحظة، وهو أصلاً مستني فرصة، إحباط المخطط ده في إيدك، خليكِ أذكى”.