بيومي فؤاد: “بقلب تافه لما التصوير يقف.. ودوري في الحرب العالمية التالتة كان بتاع صلاح عبد الله”

كشف الفنان بيومي فؤاد عن كواليس انضمامه لفيلم الحرب العالمية التالتة، مؤكدًا أن الدور الذي قدمه في الفيلم لم يكن له في الأصل، بل كان مرشحًا له الفنان صلاح عبد الله، معلقاً:” دوري في الحرب العالمية التالتة كان بتاع صلاح عبد الله واختلفوا ماديا، وقال في حد هييجي يعمل الدور أحسن مني متشيلوش هم”.

وأكد بيومي فؤاد على أن المخرج أحمد الجندي رحب بقرار الفنان صلاح عبد الله، معلقاً:” المخرج أحمد الجندي كان مرتاح أكتر عشان صلاح عبد الله كان هيتبهدل في الدور، وهو مش عايز يبهدله”.

وتحدث بيومي فؤاد أيضًا عن علاقته بالتصوير ومباريات الأهلي قائلًا:” أنا خدام لقمة عيشي ومش بتدلع لكن بقلب تافه جداً لما التصوير يقف قدام ماتش الأهلي مش هقدر، وإحنا بنصور فيلم وقفة رجالة قالولي وقت الماتش مش هيكون في تصوير وفجأة قالوا هنصور، قولتلهم مش هصور واتفقت مع المخرج نفركش ومشيت”.

كما استرجع بيومي فؤاد ذكريات مشاركته في فيلم دكان شحاتة قائلاً:” اشتغلت ضيف شرف في فيلم دكان شحاتة، كومبارس متكلم، خالد يوسف كان بيشرحلي وعمرو سعد نايم في المشهد، لقيته فتح عينيه وقالي إزيك يا بيومي”.

وعن آخر أعماله، شارك بيومي فؤاد في موسم دراما رمضان 2025 من خلال مسلسل قهوة المحطة، بجانب عدد من النجوم منهم أحمد غزي، فاتن سعيد، وانتصار، وهو من تأليف عبد الرحيم كمال، وإخراج إسلام خيري.