أحمد سعد: الناس بعد الحادثة قالتلي في التعليقات خلي تركي آل الشيخ يجيبلك عربية جديدة

طمأن الفنان أحمد سعد جمهوره بعد تعرضه لحادث سير بسيارته الجديدة، قائلًا: “بقالي 3 شهور بدور على عربية جديدة ولسة جايبها وأعرف إن العين بتيجي بعد لما نشتري مش قبل ما نشتري”.

وأضاف “سعد” فى مداخلة هاتفية مع الإعلامي عمرو أديب ببرنامج “الحكاية”، “عربية نقل طيرتني على الطريق وسائق العربية كان ماشي بسرعة ومعرفش يدوس فرامل”.

ودخل عمرو أديب فى حوار طريف مع أحمد سعد بعد أن قال له الأخير، “الناس بقت تكتب لي تعليقات غريبة وتقولي خلى تركي آل الشيخ يجبلك عربية تانية وتحس إن فى تعليقات كلها شماتة”، ليرد عليه “أديب” قائلاً: “أنت يعنى بتسمع الراجل من البرنامج طيب شوف العربية إيه اللى انت عايزها، وبعدين عربيتك الجديدة دى شكلها ألمانى خلاص ماتنفعش تانى سبهالى وأنا هاخدها على عيبها”.