هبة أحمد
قال الفنان أحمد فتحي إنه كان المرشح الأساسي لدور “سيد العمدة” في مسلسل “جعفر العمدة”، لكنّه رفضه في البداية، وهو ما جعله يشعر بالندم بعدما شاهد الأداء المميز للفنان أحمد فهيم، وأوضح: “أنا كنت مرشح للدور لكني اعتذرت عنه، وبعد كده الدور راح للفنان أحمد فهيم، وهو عمله بطريقة أحسن من اللي كنت هعملها أنا، الدور ده كان راجعله، يلف يلف ويروح لصاحبه وأحمد فهيم حبيبي ويستاهل المكانة اللي هو فيها دلوقتي قصة كفاحه تفرح”.
وبخصوص كواليس فيلم “الحرب العالمية الثالثة”، أشار أحمد فتحي في تصريحات إعلامية له إلى موقف طريف جمعه بالمنتج محمد السبكي وقت التصوير، وقال: “كنت عامل عملية قلب مفتوح، وكملنا التصوير بعد سنة من بداية الفيلم، وكان الجرح لسه باين على جسمي. والسبكي كان سامع إن فيه عفريت في الفيلم، فقرر ييجي بنفسه يشوف إيه الحكاية، أنا وقتها كنت حاطط لون على جسمي، وقاعد بعيد عشان ينشف، ولما شافني فجأة اتخض مني وقال هو ده العفريت”.
أما عن رقصته الشهيرة في الفيلم، فعلق فتحي قائلاً: “الرقصة دي كسرت العالم، أنا لا أؤمن إلا بالشارع، لا أؤمن بالسوشيال ميديا لأنها زيف، لا أعتمد على جملة إحنا رقم واحد، هذه الأشياء كلها زيف، بيدفعوا فلوس، وبالنسبة لي الحقيقة هي اللي بيقولها الشاب اللي بيقف في البنزينة”.
