نورين شحاتة:” الستات عشان عاطفية بتبان نكدية.. والسوشيال ميديا أثرت بالسلب على العلاقات الزوجية”
هبة أحمد
تحدثت الإعلامية نورين شحاتة عن رأيها في طبيعة العلاقات الزوجية والصعوبات التي تواجهها، خاصة في ظل تأثير السوشيال ميديا على صورة الحب والارتباط.
وقالت نورين شحاتة خلال لقاءها في «إيجي بودكاست» مع الإعلامية حنين إن هناك سوء فهم كبير بين الرجل والمرأة في العلاقة، موضحة أن المرأة بطبعها عاطفية وحساسة، وأحياناً تميل إلى التظاهر بالحزن أو البكاء دون التعبير المباشر عن مشاعرها.
قائلة:” الستات بتبان إنها نكدية لو الراجل يفهم طبيعة الست، والست تفهم طبيعة الراجل هي عاطفية عاوزة حاجات معينة، وعشان هي عاطفية فيبقى ممكن تتقمص تعيط تبقى جواها حاجة بس مش عايزة تقولها، عشان هي طبيعتها حاسة إنها لو طلبتها واتعملت تبقى مالهاش معنى، والراجل طبيعته مش كده عقلاني اكتر فاحنا محتاجين نفهم بعض”.
وأشارت نورين شحاتة إلى التأثير السلبي للسوشيال ميديا على العلاقات الزوجية، معلقة:” السوشيال ميديا أثرت على العلاقات الزوجية جدا بالسلب، لإن طول منا قاعدة شايفة فلان بيعمل مفاجآت رهيبة لحبيبته وبيمسكها ازاي وبيعتني بيها ازاي، الحاجات دي مش حقيقية يا جماعة، بالبلدي ده أكل عيش لبعض الناس، أنا شايفة لأني بحب الخصوصية إني لو في لحظة حب مش محتاجة اصورها إلا إذا كان النهاردة فرحي أو بالصدفة كنت تحت الأضواء والموضوع حصل عفوي”.
لمزيد من التفاصيل تابع الفيديو التالي:
