هبة أحمد
تحدثت الفنانة شيرين عن تجربتها في مسلسل “أشغال شقة” وكشفت عن بعض كواليس العمل، مشيرة إلى مدى استمتاعها بالتعاون مع المخرج خالد دياب، رغم مخاوفها من العمل معه، معلقة:”استمتعت جداً مع الأستاذ خالد دياب وكنت خايفة منه جداً، لكن قلت لنفسي نجرب”.
وأضافت شيرين أنها تخشى التحديات حتى مع كثرة تجاربها السابقة في الفن، موضحة: “ماشاء الله عندي خبرة والحمد لله كله تمام، أوعى تفكر إنه الواحد مش خايف حتى لو جالك إحساس إنك داخل تلعب إنك عملت قد كده حاجات قبل كده، يبقى الواحد جاب النعش بتاعه وجاب الكفن ودخل بيه”.
وتابعت أنها دخلت إلى تجربة العمل مع خالد دياب وهي تحمل “الكفن” على يديها، وتوجهت إلى المخرج قائلة: “أنا دخلت شايلة الكفن على إيدي للأستاذ خالد دياب وقولت أنا قريت الكلام كويس يا رب أعرف أقول”.
كما أشارت إلى أنها كانت تخشى من العمل مع الفنان هشام ماجد لأنها المرة الأولى التي تتعاون فيها معه، مضيفة:”أول مرة اشتغل مع هشام ومش عارفة هو طريقته إيه لإن كل حد عنده طريقه أستاذ هشام كوميديان مش كوميديان خالص في الحقيقة الكوميديا بتاعته هادية راقية تحس إن انت في أمان بس ده مجاش كده على طول أنا الأول عملت تست هل ممكن هبقى ماشي حالي ولا عشان لو مش ماشي حالي الواحد يعتذر من الأول”.
وكشفت شيرين عن تفاصيل مشهد رقصها الشهير مع الدخان في المسلسل، قائلة:”مشهد المناقشة مع الدخان ده يرجع كل الفضل لأستاذ خالد دياب لإن أنا للأسف الشديد كان عندي ما يعوق إني أرقص ركبتي صابونة ركبتي اتكسرت سبع حتت أول يوم تصوير كان هو المشهد بتاع الدخان ده والدنيا وبعدين في الآخر خالص هرقص فأنا قولتلهم إزاي طب بص جبني قاعدة على كرسي بعمل كده وكده وخلاص متجبش رجلي قولتلهم خلاص يبقى مش النهاردة قالي مش النهاردة إن شاء الله السنة الجاية بس هترقصي أنا كنت خايفة جداً من المشهد ده وكنت عوزاه يشيله يرميه حتى ولما اتعرض قالي أنا مبسوط جدا حتى والدته قالتله ليه المشهد صغير ياريته أكبر من كده”.
