سما المصري:”مرتضى منصور اتنازل عن 21 قضية سب وقذف.. وبدعيله وحقه عليا”

كشفت الفنانة سما المصري، خلال لقائها مع الإعلامي نزار الفارس، عن تفاصيل إنسانية مرت بها في الفترة الأخيرة، معربة عن امتنانها للمستشار مرتضى منصور، الذي سبق أن رفع ضدها 21 قضية سب وقذف، قبل أن يتنازل عنها لاحقًا.

وقالت سما المصري: “المستشار مرتضى منصور كان رافع عليا 21 قضية سب وقذف، لكنه اتنازلي عنهم، وأنا بشكره تاني وبدعيله، لأنه كان المستشار بتاعي في يوم من الأيام، بس أنا غلطت فيه، وقولتله فعلاً حقك عليا”.

وتطرقت سما المصري إلى تجربتها القاسية في السجن، مؤكدة أنها كانت نقطة فاصلة في حياتها، وقالت:”قبل محنة السجن عمري ما ركزت إني شخصية مشهورة، والناس بتترمى عليا، والبرامج بتطلبني، ومحطتش ده في دماغي”.

وأضافت:”كنت دايمًا بدعي وأقول يا رب أنا مش عاوزة جنون الشهرة، لأن اللي بيُصاب بجنون الشهرة وتحصله محنة زي اللي حصلت لي بيتعب جدًا جدًا”.