هنا الزاهد: ما بحبش الشهرة.. والزواج محتاج استقرار وأمان ومفيهوش مكان للأنانية
هبة أحمد
فتحت الفنانة هنا الزاهد قلبها للحديث عن الشهرة والزواج، كاشفة عن جوانب إنسانية وشخصية في حياتها لم يتعرف عليها الجمهور من قبل.
قالت هنا الزاهد في تصريحات تلفزيونية لها، إنها لا تحب الشهرة رغم حبها الشديد للتمثيل والعمل الفني، وأنها تتمنى أن تعيش حياتها بشكل طبيعي مثل أي شخص آخر، دون أن يتأثر ذلك بكونها فنانة، معلقة:”أنا مبحبش الشهرة، نفسي أنزل وأعيش زي أي حد عادي، آكل وأشرب وأضحك وأزعق براحتي، بحب التمثيل والشغل، لكن الشهرة بتاخد من خصوصية الإنسان، ولو اللي معايا مش فنان هيتعب من اللي أنا فيه”.
وتطرقت هنا الزاهد إلى نظرتها للزواج، مؤكدة أن الاستقرار والأمان هما شيء يجب توافره في العلاقة الزوجية، بينما اعتبرت أن الفتور العاطفي هو أصعب ما يمكن أن يواجه أي زوجين، قائلة: “أهم شيء في الجواز الاستقرار والأمان، وأصعب شيء الفتور لما المشاعر تخلص، بتبقى حياة وحشة”.
وعن كيفية الحفاظ على الحب والمشاعر مع مرور الوقت، شددت على أهمية الصدق والصراحة بين الطرفين، مضيفة: “لازم الإنسان يبقى صادق جداً، ولما يبقى عايز يبعد يقول عايز أبعد، ولازم نقول لبعض كل حاجة، وأنا شايفة إن اللي بيحب بجد عمره ما يزهق من اللي بيحبه”.
كما أكدت هنا الزاهد على أهمية التفاهم والإخلاص في العلاقة الزوجية، محذّرة من الأنانية والخيانة، فقالت: “ما ينفعش يبقى في أنانية، ولازم تفهم أوي اللي قدامك ويفهمك، ويبقى في إخلاص، ومفيش خيانة بأي الأشكال”.
وعن الغيرة، قالت إنها ترى أنها ضرورية ولكن بحدود، موضحة: “الغيرة حلوة بس مش الغيرة القاتلة، لو في فتور ومفيش غيرة بتبقى وحشة، وإنك تنام واثق في اللي قدامك إنه عمره ما هيخذلك دي حلوة أوي”.
