شريف إكرامي: الاحتراف مش كلمة تتقال حسب المصلحة .. وزي ما النادي حر اللاعب كمان حر قراره صح او غلط مش مهم

أكد شريف إكرامي ، حارس مرمى النادي الأهلي الأسبق ونادي بيراميدز الحالي بأن كل لاعب وكل نادي حر في قراره وليس خيانة كما يردد البعض .

وقال إكرامي عبر حسابه الرسمي على منصة إكس: “نفس القرار ممكن يتقال عليه خيانة من لاعب واحتراف من لاعب تاني مش علشان التصرف مختلف، لكن علشان القميص اختلف ” .

وأضاف: “الأحكام بقت حسب المزاج والمصلحة، مش المبدأ.. تسمع نفس الأشخاص بيقولوا عكس أحكامهم القديمة و التبرير بقى فن بيتفصّل على مقاس الانتماء مش على مقاس الحقيقة.. الإدارات بتوجه، والإعلام بيغذي العاطفة، والجمهور في النُص ضحية الجميع” .

وواصل: “الاحتراف مش كلمة تتقال حسب المصلحة ولا تتشال وقت الغضب، ده الواقع وأساس اللعبة.. زي ما النادي حر، اللاعب كمان حر، قراره صح او غلط مش مهم لان مش ده الموضوع، الاهم ان الاختلاف في القرار لا عمره كان خيانة ولا قلة أصل ولا ليه علاقة بضعف أو قوة الانتماء” .

وأتم إكرامي: “الموضوع مش قرارات اللاعبين أو الأندية.. اللي محتاج يتغير هو النظرة، طريقة التفكير، والأحكام على القرارات نفسها” .