زيزو: وجودي في مصر لو مع الأهلي هيخليني في فورمة وعندي حلم بالمشاركة في كأس العالم للأندية

كشف الإعلامي هاني حتحوت ، عن تفاصيل المكالمة التي دارت بينه وبين زيزو فجر اليوم حول رحيله المحتمل عن الزمالك وإنتقاله للأهلي  .

وقال حتحوت في برنامجه الكلام المظبوط الذي يذاع على راديو أون سبورت إف إم: “زيزو فسر ليه ممكن يختار الأهلي مش العين ، أنا عندي أمم أفريقيا ولازم أكون موجود كأساسي وكأس عالم منتخبات 2026 وده حلم حياتي” .

وواصل: “الزمالك هيحرمني من المشاركة لباقي الموسم؟ زيزو قال ياريت أنا محتاج راحة .. أنا ممكن أزعل لو اتوقفت في شهر يناير اللي فات .. أنا محتاج راحة شهر والشهر ده هيخليني في قمة النشاط مع النادي اللي هروحله لو مشيت من الزمالك” .

وأضاف: “وجودي في مصر لو مع الأهلي هيخليني في نفس الفورمة والتركيز والتنافسية وضامن مكاني عشان حلمي الأول وكمان كأس العالم للأندية اللي هيبقى فيها نجوم العالم” .

وزاد: “مش همسك قلم وأمضي لأي ناد غير لما أحسم موضوع الزمالك وده قولته لبابا .. مفيش توكيل عام في عقود الكورة .. ده في الإعلانات بس مش في عقود الكورة .. أبويا لحد مارس مقعدش مع ولا نادي احتراما للنادي ولرغبتي” .

وواصل: “هحارب لأخر وقت مع الزمالك .. وهسيب موضوع الزمالك لغاية لما يخلص منهم .. لقينا حل خير وبركة .. بحترم الزمالك وأكل عيشي ولحد آخر لحظة ليا هكون بتمرن سواء اللحظة كمان كام شهر أو جددنا التعاقد” .

وأتم: “ميدو اللي بيتكلم عن تجديدي وقبل ما أعمل الأسيست في ماتش مودرن كان بيهاجمني في المدرجات وقال هو ده اللي عايز الملايين دي ، هو مفيش بانر طويل نقسم التصريحات دي كلها مثلا على 3 بوستات نقط فوق بعض” .