قال الفنان ماجد المصري، أن المخرج محمد سامي هو من طلب منه حلاقة شعره بالموس، حتى يتناسب مع شخصية رجب الجريتلي بمسلسل إش إش.
وأضاف ماجد المصري خلال لقائه ببرنامج “الحكاية” الذي يقدمه الإعلامي عمرو أديب بقناة “إم بي سي مصر”: “أنا بثق في محمد سامي، وعلشان كده شيلت شعري بالموس ومقولتش لمراتي، وسافرت لها الساحل ولابس كاب وكانت المفاجأة قالت لي إيه ده يا ماجد وأنت متخرجش معايا كدة وقفشت”.
وتابع: “ولادي اتريقوا عليا وعملوا بصورتي وأنا أقرع جروب على الواتس آب ومش هقول اسم الجروب ممرمطني في البيت، أما داليدا بنتي الصغيرة قالت لهم يا جماعة ايه المشكلة لما نعرف بس الدور، عندها وعي فني فقلت لها انتي كده صبرتيني”.
وأردف: “محمد سامي كان قايل لي إن ترقيصة هذه الشخصية إن الحدوتة اللي بينك وبين إش إش، قصة حب، بقول له تاجر مخدرات ومعلم قال لي ما هو ده السر عايز شخص فاهم وفارس”
ومن جانبها علقت رانيا زوجة الفنان ماجد المصري، قائلة: “رجوبي، هو بقى رجوبتنا كلنا، بجد من قلبي فرحانة ومش متضايقة خالص إن البنات بتجري وراه في الجونة، لإن ده نجاح لدوره، هو يستاهل ومش متضايقة إن الستات بتعاكسه وصحابي قالولي اقفلي على ماجد المصري بعد رجب الجريتلي، وهو فعلا شخصيته رجب الجريتلي، ما عدا تجارة المخدرات”.
