كشفت الإعلامية سهير شلبي عن سبب مقاطعة الزعيم عادل إمام للظهور في التليفزيون المصري لمدة 20 عاما، معقبة: “عادل إمام ده حكاية لوحده، ده الزعيم حبيب قلبي عدولة، حبيبنا كلنا، زعيم الفن، هو كان مقاطع التليفزيون 20 سنة، مش بسبب مسلسل (رأفت الهجان) كان في مذيعة زميلتنا من جيلي، عملت معه حوار ضايقته بالكلام”.
وأضافت خلال تصريحات تلفزيونية: “هي ضايقته وقالت له كلام معجبوش، بدون ذكر أسماء، والحكاية دي معروفة في التليفزيون المصري يعني، هي ضايقته في الحوار وهاجمته، وقالت له أسئلة، وأنا الميزة اللي كانت عندي، كنت بحب النجوم أنجمهم أكتر وارفع قدرهم أكتر، وأبروز الحاجات الحلوة اللي فيهم، ومكنتش أحب أسيء لهم أو أقول كلام يضايقهم، ليه أنا مش جايباهم أضايقهم؟ أنا جايباهم أقدمهم للناس اللي بتحبهم، دول ثروتنا والقوة الناعمة بتاعتنا، بالعكس أحب اقدمهم حلو، ودا كان مبدئي”.
وألمح إدوارد أن الإعلامية المقصودة هي سلمى الشماع، لترد عليه سهير شلبي قائلة: “أكيد إنت عارف، عادل إمام اتضايق وقاطع التليفزيون المصري وقال: “محدش ييجي يسجل معايا ومحدش ييجي يكلمني ومش هسجل مع حد وخلاص مش هعمل لقاءات”.
