لا تكوني مثل شخصية سارة في مسلسل “نصف الشعب اسمه محمد”
كتب: سارة الدبور
نشاهد دراما رمضان كل عام والتي تحمل العديد من الحكم والقصص التي يجب علينا التعلم منها بعض الدروس في حياتنا اليومية، ومن بينها شخصية سارة في مسلسل “نص الشعب اسمه محمد”، اليك اشياء لا تفعلها مثلها.
-كله في سبيل الحب؟
سارة من الأول عارفة إن محمد متجوز، ولما خال محمد سألها: ليه ملقتش غير واحد متجوز؟ كان ردها: “الحب ميعرفش ليه”
– الحب قرار ومش مبرر لعلاقة مع واحد متجوز.
– استغلت ابن خالتها.
ولحد ما محمد ياخد خطوة إنه يتقدم فضلت مع ابن خالتها ومأنكرتش إنها “بتتسلى بيه”، وكان عندها الأنانية الكافية تكمل معاه لفترة طويلة علشان الخروجات والهدايا.
– سمعًا وطاعة لكل حوارات محمد.
مهما محمد قالها حاجات مش منطقية لو فكرت فيها كفاية هتعرف إنه بيأذيها بس كانت ماشية ورا أي كلام يقوله من غير ما تفكر إيه الصح وإيه الغلط.
– خسّرت مامتها المشروع.
أول ما محمد اكتشف إن والدة مي وأم سارة صحاب كان لازم يوقع ما بينهما ويستحوء على المحل، وعلشانه سارة حورت على مامتها ومثلت إنها شافته وفضلت تقوم الدنيا لحد ما مامتها سابت المحل.
– صاحبت مرات خطيبها!
وفي سبيل إن مامتها تتخانق مع والدة مي عملت نفسها مصاحبة مي علشان تعمل تمثيلية كبيرة توقعهم في بعض.
– بتبرر الغلط
والغريب إنها ماحستش بالذنب لحظة ناحية مي، لما والدة محمد سألتها: ليه بتخربي بيت؟ كان ردها إنها لو سابته البيت هيتخرب لإنها اللي بتفرحه ومن غيرها مش هيعرف يفرج مي!.
– الستات لبعضيها
سارة مفكرتش في مي لحظة حتى لما شافتها مصعبتش عليها، وماشفتش إن حتى لو مي كانت “بتطفي السجاير في قفاه” مش مبرر للخيانة، وفكرت بس إنه مختلف معاها لحد ما خانها هي كمان.
– أنانية بكل الأشكال
سارة في كل العلاقات في حياتها مش بتفكر غير في نفسها وبس، وبتحاول توصل لمرادها بأي شكل ولا يفرق معاها على حساب مين.
