كشف الفنان أحمد فهيم عن تعرضه لجلطة في قدمه أثناء تصوير مسلسل “سيد الناس”، فضلًا عن إصابة تعرض لها في رأسه خلال تصوير مشهد المشاجرة بينه وبين الفنان عمرو سعد.
وقال “فهيم” خلال تصريحات تلفزيونية: “كنا بنعمل مشهد أستاذ عمرو سعد “الجارحي” بيضرب “مجدي” و”عفيفي”، المفروض بيضربني الأول 3 “بونيات” في واحدة منهم أخدتها بجد ولما اتضرب قلت أكمل عشان المشهد وزقني ووقعت على الأرض وراح يضرب “عفيفي”.
وتابع: “حطيت إيدي على راسي حسيت إني حاطط إيدي على كرة تنس في دماغي، فضلت ساكت لحد ما المشهد يخلص لأنه كان صعب ومش عايز أعيد تاني، لحد ما أستاذ محمد سامي خلص التصوير قلت لهم إني اتخطبت”.
وأكمل: “جم شافوا كرة التنس اللي في دماغي وأنا شايف ردود الأفعال من الأساتذة الزملاء ومش فاهم في إيه، قعدت على كرسي ومكنتش فاهم هنكمل ولا مش هنكمل وكنت دايخ، حطوا تلج ونزلت شوية والدنيا هديت وقدرت أكمل تصوير المشهد”.
وأضاف: “في مشهد خناق تاني بين “مجدي” والجارحي” قعدنا نصور من 8 بالليل لـ4 الصبح وكنت مركب حاجات في رجلي لحمايتها ومع المجهود البدني اللي حصل عشان مكنش في دوبلير ليا أنا وعمرو سعد اكتشفت أن جالي جلطة في رجلي، أخدت حقن سيولة والدكتور طلب مني مقفش على رجلي كتير لكن مكنش ينفع عشان التصوير”.
