كتب: حسن الحيني
تصدرت الفنانة هدى الإتربي على مؤشر البحث جوجل خلال الساعات الماضية عقب ظهورها ضيفة في برنامج رامز مصر أمس الخميس والذي يقدمه الفنان رامز جلال عبر قناة MBC مصر، حيث كانت هي الضحية للبرنامج أمس.
وسخر الفنان رامز جلال من هدى الإتربي حيث قال عنها خلال المقدمة “معانا نجمة مشهورة محدش عارف ليه، يمكن علشان نافخة الشفايف، ولا مدملكة زي القطايف، النجومية دلوقتي بقت بالبروز”.
وأضاف رامز: “النجمة اللي معانا منبع الفيلر، بتعبي السليكون بالكوز. مستحلية نفسها وفاكرة محدش قدها، النهاردة هردها على البارد، وأكسر جناحها اللي فارد. معانا الشيست المفترس، إيرباجز الجيل”.
وسخر رامز من إطلالة هدى الإتربي عقب وصولها للبرنامج قائلا: “جاية من الحرفيين على هنا، مفيش عدالة في التوزيع وفي مناطق جت على مناطق، إيه الشعر ده؟ مش بتحط زيت أملا دي بتشربه، واللي زي دي لازم واحد يمشي وراها بطشت أحسن شوية سليكون يتدلدقوا، وإنت لابسة بودي ولا بودي آرمر”.
وفي أول تعليق لها بعد عرض الحلقة، نشرت الفنانة هدى الاتربي صورة تجمعها بالفنان رامز جلال من كواليس استضافتها بالبرنامج وكتبت على الصورة: “لتريند اللي كرهني في التريندات والله يسامحك يا رامز بس بحبك”.
وتشارك الفنانة هدى الإتربي في السباق الرمضاني الحالي بالجزء الثاني من مسلسل العتاولة، المعروض على قناة MBC مصر، بطولة أحمد السقا، طارق لطفي، باسم سمرة، زينة، فيفي عبده، ثراء جبيل، مصطفى أبوسريع، مريم الجندي، أحمد كشك، زينب العبد، إخراج أحمد خالد موسى.
