أميرة عبدالهادي
رد المخرج مجدي الهواري، على حقيقة تصريحه السابق بأن زوجته الجديدة يجب أن تتقبل حبه لغادة عادل قائلاً: “الفيديو ساعتها انتشر بمنظور لا تقربوا الصلاة وقلت إن مراتي تحب غادة عادل أم أولادي، ومراتي كانت متجوزة ولو أنا مش متقبل إنها تكلم جوزها السابق في شئون ابنتها يبقى أنا راجل مش موزون وطبيعي أختار وحدة موزونة كفاية إنها تتقبل إننا ممكن نتكلم مع بعض بخصوص أولادنا”.
وأضاف مجدي الهواري، خلال تصريحات تليفزيونية،: “غادة أم أولادي ودي حاجة منقدرش ننساها وأنا اخترت كويس وهما فاهمين بعض كويس والمقصود إنها تتقبل حبي وتقدر مودتي لأم أولادي ومراتي تشجعني على الود والتقرب من أولادي”.
ووجه مجدي الهواري رسالة: “مش لازم الواحد لما يطلق تبقى فضيحة ومشاكل واحنا شخصيات عامة والناس كلها عارفة أخبارنا والحقيقة مفيش حاجة”، مشيرًا إلى أنه خلال أول يوم رمضان فطر مع عائلته وتاني يوم فطر مع أولاده.
