كتب: محمود الشريف
رد أحمد مرتضى منصور ، عضو مجلس إدارة نادي الزمالك السابق على هجوم مجلس إدارة نادي الزمالك الحالي ضد مجلسهم .
وقال أحمد مرتضي منصور في تصريحات تلفزيونية في برنامج وشك مكشوف مع الإعلامية هاجر حليم: “أنا مختلف عن والدي مرتضي منصور ، قعدت رئيس نادي لمدة أيام وأسلوبي وطريقتي غير والدي وعملت مبادرة من أجل لم الشمل وكان فيهم خصوم والدي ومستجابش ليا وقتها” .
وأضاف: “لو التوريث كان هيحقق نجاحات في الزمالك زي ماحنا كنا عاملين فا يا أهلا وسهلا بالتوريث ، ده منصب بالإنتخاب ولما الناس تقييم ياريت يكون التقييم موضوعي” .
وواصل: “كل اللي بيتقال دلوقت عن مديونات على النادي بسبب مجلسنا وبقولهم ده هجض مفيش مديونات واللي بيعملوه ده عشان يقللوا مننا” .
وأتم: “الأهلي ناجح ليه ؟ لأن الناس فيه بتكبر بعض ، هتلاقي الخطيب بيستلم من محمود طاهر وقبله استلم من حسن حمدي ومن صالح سليم عكس نادي الزمالك مبيحصلش الكلام ده” .
