كتب: محمود الشريف
كشف عدلي القيعي ، مدير التسويق الأسبق بالنادي الأهلي عن رأيه في إمكانية تعاقد الأهلي مع المغربي محمود بنتايك لاعب الزمالك المعار من نادي سانت إتيان الفرنسي حتى نهاية الموسم .
وقال القيعي في تصريحات إذاعية عبر إذاعة أون سبورت إف إم: “محمود بنتايك، لاعب كويس، وأحب أشوفه في النادي الأهلي، لو لم يجد لاعب بنفس مستواه الفني .كان أفضل لاعب في الزمالك بالقمة الأخيرة” .
وأضاف القيعي: “سبب الضغط على إدارة الأهلي والجهاز الفني والحديث عن الصفقات هو كأس العالم للأندية التي ستقام في أمريكا” .
ورد القيعي على سؤال هل أكرم توفيق شاف نفسه على الأهلي؟ هو شاف نفسه، بس محدش يعرف يشوف نفسه على الأهلي ، هو مشافش نفسه على الأهلي، شاف نفسه مهم، وهو لاعب مهم. أنا بحب الوضوح، في نهاية عقدك من حقك تقيم نفسك، بس الوضوح” .
وعن طلبات زيزو للتجديد مع الزمالك: “انا مسمعتش ومعرفش إنه طلب 100 مليون، لكن ده رقم مفزع وبأمارة إيه الكرة المصرية يدفع فيها كدة” .
وواصل: “اللاعب شايف نفسه يساوي 100 مليون وأنا مقدرش أديله غير 30 مليون، أنا كعدلي القيعي أقول نلحق نشوف من وراه قرشين، وأنا أحل مشاكلي” .
ورد القيعي على سؤال هل يتمنى التوقيع مع زيزو في الأهلي: “ده مش قراري وأي إجابة هتكون غير لائقة. لكن اللاعب اللي أنا عايزه في الأهلي يكون صاحب جودة والتزام ونجم على نفسه مش على ويديني حقي ، الزمالك بيعامل زيزو إنه في مكانه محدش جنبه، هو في الأهلي هيبقى في جنبه ولو تمام أهلًا به. والله أعلم إذا كان يكون في الأهلي أو لا”.
