سهام صلاح
بدأ الفنان محمد رمضان بعرض الفائزين في برنامجه “مدفع رمضان” الذي يشارك به في الموسم الرمضاني الحالي ويعرض عبر قناة DMC.
وأعلن رمضان عن الفائزون وهم طفل من ذوي الهمم فاز بـ 100 ألف جنيه، وراكب في أحد السيارات الأجرة 100 ألف جنيه، ومبلغ مالي وتليفون في مسابقة “سيارة الأحلام”، و300 ألف جنيه لسيدة من سوهاج في مسابقة سؤال الحلقة، و200 ألف جنيه لمسابقة رقم التليفون العشوائي.
وقال محمد رمضان أثناء تقديمه الحلقة: “مبروك لكل الكسبانين وعقبال كل الجايين، نبدأ بالفكرة الحالتين القدرية والتانية النصيب القدرية صفة النهاردة يا ترى مين صاحب النصيب اللي عنده الصفة دي”.
وأضاف: “وبمناسبة شهر رمضان موافق مناسبة عيد الأم فآخر مكالمة عملها حد لمامته كسب سواء راجل أو ست هنسأله نقول له ورينا تليفونك طلع ست أو راجل كسب”.
وانتقل محمد رمضان إلى توزيع الجوائز، ووقع الحظ على رجل وزوجته، وفازت الزوجة بالجائزة لكونها هاتفت والدتها، وبارك لها محمد رمضان بالجائزة، وانهار الزوج باكيًا.
فعلق محمد رمضان على ذلك قائلًا: “إنت بتعيط ليه؟”، ليرد الزوج: “علشان النهاردة أكرمت بنتي وجبتلها حاجات الجهاز أنا قولت لها هجهزك من الألف للياء، ليعلق رمضان: “إنت راجل جميل وتستاهل”.
كما اختار محمد رمضان محطة بشتيل لينزل فيها، وقال: “نزلنا محطة بشتيل لقطارات الصعيد وقابلنا أول عمال نظافة هنشوفهم هيكسبوا معانا”.
وقابل محمد رمضان مجموعة من عمال النظافة ومنحهم جوائز مالية، وقال عامل نظافة لمحمد رمضان: ” نمبر وان هو واحد به وهو أنت يا رمضان”، ليرد محمد رمضان: “إنتوا نمبر وان الحقيقيين”.
وحقق محمد رمضان حلم آخر لسيدة ضمن عربية الأحلام، وقال: “حلم سيدة هو إنها تعمل عمرة، وأنا بقولها ألف مبروك.. ودي هدية مني أنا.. وأدعي لأمي وإنتي بتعملي العمرة”.
وقال محمد رمضان: “إحنا بنختار حلمين وحلم هيتحقق في حلقة اليوم وحلم هيتأجل لليلة العيد وممكن يكسب مليون جنيه”.
