أحمد شوبير: ميدو أكبر مهمل في التاريخ وحسام حسن قادر على المنافسة في كأس الأمم

كشف الإعلامي الكبير أحمد شوبير ، عن رأيه في حسام حسن إمكانية فوزه بكأس الأمم الإفريقية .

وقال شوبير في تصريحات مع الإعلامية أميرة بدر: “بحب ميدو جدًا وحبيب وجوده في توتنهام ، ودايمًا بقول لميدو أنت أكبر مهمل في تاريخ المحترفين ، لأنه قصر كتير في حق نفسه للأسف لأنه كان حاجة كبيرة أوي برة”.

وأضاف: “ميدو راجل بيعمل خير كتير وكان بيجيلي ضيف في البرنامج ومش بياخد فلوس وهو خارج من البرنامج كان بيوزع فلوس على العمال والناس اللي موجودة وانا بحب النوعية دي من الناس” .

وعن حسام حسن قال شوبير: “حسام حسن طفل ، بيخاف ينام لوحده ، سيبك من الصورة اللي الناس واخداه عنه ، وفنيًا مدرب شاطر كويس جدًا ، ووجهة نظري إنه مخدش حقه خالص واللي عمله للأهلي كتير أوي هو وإبراهيم ، كتاريخ مفيش فصال” .

وأتم: “حسام حسن هيقدر يعمل حاجة مع منتخب مصر وفيه ميزة إنه شبه كيروش وبيعرف يطلع لاعيبة جديدة وضم 13 في الفترة الأخيرة وقادر يكسب بطولة كأس الأمم وإذا وصل كأس العالم هيعمل نتائج كويسة”