زوجة زيزو: أنا زملكاوية وبغير عليه واتخضيت من الشهرة والمعجبات

اطمأنت الإعلامية والفنانة إسعاد يونس على صحة هدى زوجة اللاعب أحمد سيد زيزو، لاعب فريق الزمالك والمنتخب الوطني، بعد أن علمت من زيزو أنها مصابة بنزلة برد.

وعن كواليس تعارفها بـ “زيزو” قالت “هدى” خلال مداخلتها في برنامج “صاحبة السعادة” على قناة dmc، “مشفتش زيزو قبل الخطوبة غير لما جه عندنا البيت واتقدملى، وأعجبت بيه بس مش حب، ومع الوقت حبيت فيه أنه عارف يخلينى أحبه”.

وأضافت: “اتخضيت من الشهرة والمعجبات، وبعد كتب الكتاب لما كنت بشوف اللى بيصوره كنت بتضايق حسيت أنه بيتاخد منى، ومع مرور الوقت حبيت الموضوع وفرحت بيه، وكان أول مرة غرت عليه كنت حامل فى بنتى “أيلا” وشفت وقتها معجبة بتتصور معاه، فقلت له هو أنت بتتصور عادى وأنا مش موجودة؟ فقالى مش كتير”.

ولفتت هدى إلى أن زيزو كل ما يريد أنه يفعله هو التركيز مع الفريق، متابعة: “وأنا زملكاوية وحافظة كل أغانى الفريق”.