زيزو: الأرقام اللي بيتم تصديرها بشأن مطالبي المادية مش حقيقية

تحدث أحمد مصطفى زيزو، نجم الزمالك عن مصيره ومستقبله مع نادي الزمالك، مع اقتراب انتهاء تعاقده مع القلعة البيضاء.

وقال زيزو خلال لقائه ببرنامج “صاحبة السعادة” الذي تقدمه الفنانة إسعاد يونس: “وضعي الحالي أن أنا عقدي مستمر مع الزمالك لنهايه الموسم ومفيش حاجه”

وتابع: ملف التجديد؟ في لعيبه كتيره في الزمالك محتاجه تجدد ومحتاجه نفس الاهتمام من المسؤولين في النادي وانا محترم ده”.

وواصل: “هو بس في ناس مركزه مع زيزو إعلاميا رغم أن في لعيبه تانيه في أندية غير الزمالك عندها ملفات تجديد ومحدش بيتكلم”.

وأكد زيزو: “فكرة تصدير لجماهير الزمالك إن فلان هياخد فلوس قد إيه مش كويسة، احنا مش مختلفين خالص مع الإدارة والأرقام اللي بتتقال في السوشيال ميديا بشأن مطالبي المادية مش حقيقية”.

وأشار نجم الزمالك: “في ناس محسوبه على الزمالك كأبناء النادي وبتطلع تركب الموجه وتزايد عليا”.

واستكمل: “أنا بحب جمهور الزمالك جدا ومتعلق بيهم وهما متعلقين بيا وانا عشت احلى خمس سنين في الزمالك”.

وعن سبب حزنه في حفل الكاف، تحدث قائلاً:  “القصه هي أن الزمالك كان واخد الكونفدرالية والسوبر الافريقي وانا أكثر لاعب مساهمات في المترشحين فكل الإتجاه كان رايح اني هكسب الجائزة.. كنت عايز اخد الجائزة علشان يتقال أن في لاعب في الزمالك حققها لأول مرة”.

واتم: “اتفاجئت أن حارس صن دوانز خد جائزة أفضل حارس وخد جائزة أفضل لاعب داخل القارة.. وناس بثق فيها بس هما مش الكاف يعني قالولي اني أنا اللي هاخدها”.